غزل  (1)



تو بوسونو گل اوا ݯھان شورو
تہ چھوئیر نگہہ مہ دوݰمان شورو

شبابو مثال بوسونیو شیر 
غیچھو څیپا بوئے دیتی فان شورو

سورا نو تریر اوݰک گان کوری 
کی اریر دعا شیرین نان شورو
 
یہ دنیو دستور ای حال نو بہچور 
تو دی نو بہچوس اے نادان شورو 

غریبو امید شیر خالقو سار 
انگوئے ہݰ بوسون بوئے حیران شورو 
                
محمد شیراز غریب


غزل (2)

تو مہ روخڅیتاو لہ البت ہمونی 

اوشویا تہ مہ سوم الفت ہمونی

 

دربتہ اچی گوم رے بی استاو تو

ملال کندوری بویے دربت ہمونی 


اسکوردی لو ہیہ کی تو مہ بو خوش 

مہ تہ سوم لو دیکو ہمت ہمونی 


متے بو خال دونیان فراقو اشرو 

شیرین مݯھی نہ کیہ شربت ہمونی

 

ہسے خوشان رینیان غریبو روخڅی 

مہ دی کوریلیک وا عادت ہمونی

محمد شیراز غریب